طاجن الخضار باللحمة تورلى

من طرف توتى بدر الخميس سبتمبر 25, 2014 3:39 pm

طاجن الخضار باللحمة تورلى
====

[ندعوك للتسجيل في المنتدى أو التعريف بنفسك لمعاينة هذا الرابط]
المقادير:
=====
نصف كيلو لحم مقطع حسب الرغبة (يفضل بتلو) - نصف كيلو كوسة مقطعة مكعبات - نصف كيلو جزر مقطع مكعبات صغيرة - نصف كيلو فاصوليا خضراء - نصف كيلو بسلة - ربع كيلو طماطم مقطعة مكعبات -بصله كبيرة مفرومة ناعم - بصله كبيرة مقطعة مكعبات - اربعة فصوص ثوم مفروم ناعم - ربع كوب خل - ماء وملح لغسيل اللحم - ملعقة صغيرة زنجبيل - نصف كيلو بطاطس مقطعة مكعبات صغيرة - ثلاث ثمرات فلفل اخضر مقطع رفيع "جوليان" - ملعقة ملح صغيرة - ملعقة فلفل - ملعقة بهارات - ورق لورا - نصف ملعقة صغيرة جوزة الطيب - ملعقتين صلصة - ملعقة كبيرة زبدة.
Like a Star @ heaven

التحضير:
=====
- قطعى اللحم مكعبات متوسطة أو حسب الرغبة وبعدين اغسليها بالخل مع الماء والملح وبعدين انقعيها لمدة ربع ساعة وبعدين صفيها جيدا.
- فى طاسة على النار حطى اللحمة بدون أى إضافات لغاية ماتنشف المياة اللى فى اللحمة، وبعدين ضيفى البصلة المكعبات والطماطم والفلفل الأخضر وورق اللورا وقلبيهم كويس وبعدين غطيهم ووطى النار خليها متوسطة وسيبى اللحمة ربع ساعة على النار.
- صفى اللحمة على جنب واحتفظى بالصوص بتاعها هنحتاجه.
- فى حلة على النار حطى الزبدة والبصلة المفرومة والثوم والزنجبيل وقلبيهم كويس لمدة دقيقتين.
- ضيفى عليهم الجزر والبسلة والفاصوليا وقلبيهم كويس لمدة خمس دقائق.
- وبعدين ضيفى عليهم البطاطس والكوسة وقلبيهم خمس دقائق.
- وبعدين ضيفى على الخضار اللحمة اللى صفيناها من الصوص والصلصة والملح والفلفل وجوزة الطيب وقلبيهم كويس لمدة خمس دقائق.
- فى الطاجن حطى الخضار باللحمة وحطى من الصوص بتاع اللحمة اللى خليناه على جنب لغاية ماتوصل لغاية نصف الطاجن تقريبا.
- غطى الطاجن بورق الفويل الألومنيوم ودخليه الفرن على درجة حرارة متوسطة لمدة نصف ساعة وبعدين شيلى الفويل من على الطاجن وسيبيه يكمل سواه ربع ساعة كمان لغاية مايحمر وش الطاجن