طريقه عمل شاورما الفراخ بشكل جميل

من طرف لولو حسن الجمعة أكتوبر 10, 2014 3:17 pm

طريقه عمل شاورما الفراخ بشكل جميل
===========

[ندعوك للتسجيل في المنتدى أو التعريف بنفسك لمعاينة هذا الرابط]

أهم حاجة الفراخ نفسها، اللحم الغامق (الوراك) أفضل من اللحم الفاتح (الصدور) بس لازم تكون متقطعة شرايح رقيقة قدر الإمكان.

المقادير:
====
نصف كيلو فراخ مخلية متقطعة شرايح رقيقة
التتبيلة: كوب زبادى - ربع كوب خل - راسين ثوم مفرومين - ملح وفلفل - معلقة حبهان صغيرة - معلقة بهارات صغيرة - ليمونة كبيرة

مقادير صوص الثومية: كوب طحينة - راسين ثوم مفرومين - أربع ليمونات كبار - معلقتين زبادى كبار

التحضير:
====
إخلطى مقادير التتبيلة مع بعض وتبلى الفراخ على الأقل 8 ساعات فى التلاجة ويفضل طول الليل. لو حسيتى التتبيلة ناشفة تقدرى تضيفى زيت زيتون.
فى طاسة كبيرة أو حلة صغيرى سوى الفراخ على نار هادية لغاية ماتستوى بس ماتتهريش (حوالى 30 - 45 دقيقة). لو الفراخ نشفت ضيفى شوية مية.
أثناء تسوية الفراخ إخلطى مقادير صوص الثومية وخليه فى التلاجة.
للساندوتشات ممكن تحطى شرايح خيار وطماطم وحلقات بصل وبقدونس ومخلل وسمّاق. وبالهنا والشفا!
تقلتها من الفيسبوك