مقادير التورتة الصحيحة

من طرف لولا السبت مارس 09, 2013 10:31 pm

مقادير التورتة الصحيحة
==========

المقادير

-عشرة بيضات حمر
- كوب سكر بودر أو عادى بس البودر بينضرب أسرع
كوب ونصف دقيق
كيس بيكنج بودر(ملعقتين تقريبا)
فانيليا
شوية زيت لدهن صينية الفرن

طريقة التحضير

* نضرب البيض بالمضرب الكهربائى كويس جدا لمدة خمس دقائق

* ثم نضيف السكر ونضرب لمدة عشر دقائق حتى يذوب السكر نهائيا ويصبح الخليط مثل الكريمة
ثم نضيف الفانيليا

* بعد ذلك ننخل الدقيق ونضع عليه البكنج بودر ونضيفه الى الخليط شوية بشوية ونقلب بالمعلقة وليس بالمضرب

* ثم نجهز صينية متوسطة الحجم وندهنها بشوية زيت ونرشها بشوية دقيق ونزيل باقى الدقيق

* ثم نضع نصف مقدار العجين فى الصينية ونضعها فى فرن متوسط الحرارة لمدة ربع تلت ساعة تقريبا (لمعرفة إكتمال النضج نغمس فيها سكين لو لم يكن فى السكين بقايا عجين فقد تم نضج الكيكة
وإلا نتركها شوية كمان)

* بعد ذلك نخرج الكيكة من الصينية ونضعها على منخل سلك ممكن تقسميها نصفين
ثم تسوى نصف العجينة التانى بنفس الطريقة

* وعند التزيين بتسقى كل طبقة بماء الكمبوت أو سفن أو شربات وتزينيها على ذوقك
وممكن تعمليها تورتة جيلى .. كيف؟!

بالطريقة الاتية:

تجيبى 2 علبة جيلى وتضعيه فى 3كوب ماء مغلى وتقلبى

وفى نفس الصينية اللى عملتى فيها الكيكة ضعى نصف كمية الجيلى وضعيها فى الفريزر ربع ساعة

ثم ضعى عليها أى نوع فاكهة رصيها بشكل حلو ثم صبى عليها باقى كمية الجيلى

وضعيها فى الفريزر تلت ساعة ثم ضعى فوقها طبقة كيكة ثم كريم شانتيه ثم الطبقة الثانية وهكذا

ثم ضعيها فى الفريزر مرة تانية لمدة تلت ساعة ثم أخرجيها من الفريزر

ولكى نخرج التورتة من الصينية على طول.. عرضى الصينية لنار البوتاجاز وانتى رفعاها بإيديك لفوق علشان نسيح الجيلى شوية علشان نقلب التورتة بسهولة وحركى الصينية بإيدك لو تحركت التورتة معاكى إقلبيها فى طبق التقديم وزينى الجوانب بالكريم شانتيه وجوز الهند
وبالهنا والشفا