*مكرونة نجرسكو *

من طرف ام دهب و مصطفى الإثنين مايو 18, 2015 10:28 am

* مكرونه نجرسكو *
********

المقادير
******
# كيس مكرونه اسباجتى نصف كيلو
# نصف كيلو فراخ بانيه شرائح
# جزره مبشوره + بصله شرائح + فلفلتين شرائح
# خمس ملاعق دقيق للباشميل
# كوبين شوربه + كوبين لبن للباشميل
# اربع معالق سمن للباشميل
# ملح وفلفل وكركم وقليل قرفه

الطريقه
*****
اولا / / المكرونه
نسلق المكرونه كويس فى ماء مغلى جيدا بملح للتمليح ومعلقه زيت علشان متلزقش

ثانيا / / الفراخ
نحضر طاسه واسعه ونحط فيها معلقه سمن ولما تقدح نحط البصل يتشوح ثم الفلفل الخضر ثم الجزر المبشور ونضيف التوابل اممممممممممم شامين ريحتها حلوه قوى .. وبعد كدا هنحط الفراخ ونقلب كويس ولما تنشف هزود نصف كوب ماء وبعد الغليان اوطى عليها علشان تستوى وتنشف من الصوص بتاعها

ثالثا / / الباشميل
هنحط السمن ولما يقدح هنزل بالدقيق واقلب كويس لما يبقى لونه ذهبى فاتح او بيج هشيله من ع النار وانزل بخليط الشوربه واللبن تدريجيا واضرب بالمضرب علشان ميكلكعش
بعد كده هرفعه تانى ع النار واضيف بيضه وملح وفلفل ومكعبين ماجى واضرب كويس لحد لما يكون قوامه متماسك

ملحوظه ::
علشان يكون الباشميل حلو اتأكدى ان قوامه مناسب و مش تقيل علشان هو بيتقل اكتر بعد السوا

## هنجهز صينيه مقاس 28 ونبطنها بمعلقتين باشميل ونحط نصف كميه المكرونه ثم خلطه الفراخ ثم باقى كميه المكرونه ثم الباشميل

تدخل الفرن للسواء ولما الوش يشد بنمسحه بحذر بمعلقه سمن ونوزعها كويس بظهر المعلقه علشان بتدى نتيجه حلوه قوى فى التحمير

# تترك لتهدأ علشان لما تبرد متفكش عند التقطيع