نصايح الى كل أم جديدة .. انتبهى

من طرف روضة البدر الأحد نوفمبر 17, 2013 10:15 pm

نصايح الى كل أم جديدة .. انتبهى
=======

دي شوية نصايح مهمة لأي أم جديدة أعتقد إننا محتاجين نعرفها :

[ندعوك للتسجيل في المنتدى أو التعريف بنفسك لمعاينة هذا الرابط]

1 - الطفل مبيبطلش عياط مهما عملتي فبالتالي لما جوزك يقولك اعمليله شاي عشان يشتغل سيبي الطفل في أي مصيبة واعمليله الشاي وإلا جوزك مش هايعمل شغله وهايتطرد منه ويفلس ويدمن ويخونك مع واحدة اسمها يارا على الأغلب !

[ندعوك للتسجيل في المنتدى أو التعريف بنفسك لمعاينة هذا الرابط]

2- كل الأطفال أول ما بيتولدوا شكلهم وحش وده مش بالضرورة معناه إنهم طالعين لأبوهم !

[ندعوك للتسجيل في المنتدى أو التعريف بنفسك لمعاينة هذا الرابط]

3- لأ مش الأكل اللي بيخلص من التلاجة شيطاني .. الرضاعة بتجوع وكل الناس عارفة ده !

[ندعوك للتسجيل في المنتدى أو التعريف بنفسك لمعاينة هذا الرابط]

4- الطفل عارف انتي بتنامي امتى وبتاكلي امتى وبيوفر صريخه للوقت ده .. اياكي تخلي ابنك أو بنتك يعرف انتي هاتعملي ايه امتى .. عامليه كجاسوس !

[ندعوك للتسجيل في المنتدى أو التعريف بنفسك لمعاينة هذا الرابط]

5 - أيوه طفلك أحلى من كل الأطفال التانيين والمفروض ياخدوه يعملوا بيه إعلانات في التلفزيون بس هي الرقابة للاسف اللي بتمنع عرض الحاجات المرعبة على التلفزيون !

[ندعوك للتسجيل في المنتدى أو التعريف بنفسك لمعاينة هذا الرابط]

6 - كل الأطفال عندها حول طبيعي بيروح مع الوقت .. محاولة عدل عين الطفل بصباعك مش مفيدة ومضرة ببشرة الأصابع !

[ندعوك للتسجيل في المنتدى أو التعريف بنفسك لمعاينة هذا الرابط]

7- الطفل بيحط أي حاجة في بقه وأول حاجة بيدور عليها لما بيتحرك هي فيش الكهربا اللي في الشقة .. متيضعيش وقتك في محاولة حمايته وسيبيه يتعلم بالتجربة أو يكون عبرة وعظة لغيره من الأطفال !

[ندعوك للتسجيل في المنتدى أو التعريف بنفسك لمعاينة هذا الرابط]

8 - زي ما طفلك بيجوع جوزك كمان بيجوع .. حاولي متنسيش الحقيقة دي وإلا هاتكتشفي فجأة حلاوة طبيخ يارا خصوصًا لما جوزك يبدأ يتخن فجأة !

[ندعوك للتسجيل في المنتدى أو التعريف بنفسك لمعاينة هذا الرابط]

9 - بطلي تغني لطفلك بصوت عالي .. كونك أم لا يعني بالضرورة إن اللي حواليكي أصيبوا بالصمم !

[ندعوك للتسجيل في المنتدى أو التعريف بنفسك لمعاينة هذا الرابط]

10 - وأخيرًا بطلي تقولي لجوزك بكراهية على كل حاجه انت السبب .. متنسيش إنه ضحى بيارا عشانك

منقول من الفيس بوك