قواعد " انتظار ‫#‏العريس‬ الاربعون "

من طرف توتى بدر الثلاثاء نوفمبر 04, 2014 8:22 am

قواعد " انتظار ‫#‏العريس‬ الاربعون "
====
1- اصبرى
2- حطى بوستات عن الصبر ‫#‏مفتاح‬ الفرج عشان نتاكد انك بتصبرى
3- حطى صوره واحد و واحده ماسكين ايد بعض واكتبى يارب اوعدنا
4- اصبرى
5- نزلى دعاء ‫#‏تيسير‬ الزواج
6- حطى صوره دبلتين واكتبى عليها يارب فاجئنى بحاجه مش متوقعاها
7- اصبرى
8- اتقلى تاخدى حاجه ‫#‏نضيفه‬
9- جالك عريس ‫#‏افرحى‬
10- طلع ‫#‏مبيصليش‬ ازعلى
11- ارفضيه وارجعى للبوستات تانى ودعاء تيسير الزواج
12- اصبرى
13- اصبرى
14- صبرتى ؟ اصبرى تانى
15- جالك عريس تانى ‫#‏متفرحيش‬ اوى زى المره ال فاتت
16- حضرى نفسك وهدومك والشراب ال هتلبسيه
17- اعملى ماسكات
18- متحطيش ميكب عشان ميتخضش ويطفش Sad

(
19- قعدتى معاه؟ خليكى ع طبيعتك ولا بلاش طبيعتك اعملى ‫#‏مكسوفه‬ واتصنعى
20- متقعديش لوحدك لمى العيله جنبك واخوكى الصغير على حجره ومن غير حفاضه ‫#‏بهدليه‬
21- دخل البيت بتورته؟ صوريها و ‫#‏استخيرى‬
22- قالك انتى الانسانه ال بدور عليها صدريله الوش الخشب
23 - اعمليله كشكول عشان تديهوله بعد كتب الكتاب واكتبى فيه بحبك يا عمرى وبموت فيك وماليش غيرك ف الدنيا يا ‫#‏سندى‬
24- اتقلى عليه وحسسيه انك محتاره ومش عارفه تاخدى قرار .. واستخيرى
24- اعمليله كيكه بزيت ‫#‏الخروع‬ وقوليله عمايل ايدى ولو مكلهاش اقلقى منه
26- استنى شويه متقوليش انك موافقه دلوقتى ‫#‏عذبيه‬
27- متبينيش انك مدلوقه و ‫#‏تفضحينا‬
28- جاب شيكولاته خبيها من اخواتك ومتنسيش ‫#‏تصوريها‬
29 - اكتبى على الفيس وانتى بتاكلى الشيكولاته النهارده اسعد يوم فى حياتى
30- استخيرى
31- قوليله عندى ازمه ماديه ومحتاجه 50 جنيه اختبريه
32- متقووليش انك موافقه عليه دلوقتى جننيه
33- استخيرى
34- دخل البيت فاضى
35- اقلقلى منه واستخيرى
36- جاب بوكيه ورد؟ وافقى بسرعه ومتنسيش ‫#‏تصوري‬ البوكيه
37- وافقى مفيش وقت دا عريس لقطه
38 - قالك عايزه اخرج معاكى وحدينا ؟ ارفضيه
39- قطعى الكشكول ورجعيله البوكيه الناشف وصوره التورته والشيكولاته واصبرى
40 - جالك عريس تانى ؟ ولا اعرفك ..انتى نحس اساسا ابو شكلك

منقول