حبيبك اللى تحبه ...

من طرف ام دهب و مصطفى الخميس مايو 08, 2014 12:43 am

حبيبك اللى تحبه ....
====

فى مثل شعبى دايما أسمعه
" حبيبك اللى تحبه ... لا تحاسبه ولا تناسبه "

لا تحاسبه يعنى لا تشاركه فى شراكة أو تسلفه مثلا
ولا تناسبه .. لا تجوزه بنتك ولا اختك ولا قريبة لك
حتى لاتفتح باب المشاكل
لان الحساب والنسب بيظهروا حقيقة الانسان وأخلاقه

هل هذا الكلام صحيح توافقى عليه ام ترفضيه روضتى الحبيبة

من طرف هنا سيد الجمعة مايو 09, 2014 5:14 pm

لما مش هنشارك حبايبنا فى الاعمال والمال
ومش هناسبهم
هنحاسب مين ونناسب مين
الاقربون أولى من الغرباء

من طرف ضوء القمر الثلاثاء مايو 13, 2014 7:52 pm

احتمال من قال هذا المثل
يقصد عدم حدوث زعل بين الاقارب والاصحاب
بسبب النسب والمشاركة فى الاعمال
للخلافات المحتملة فى كلا منهما

من طرف انوار الأحد مايو 18, 2014 7:31 am

انا مع المثل قلبا وقالبا
لان النسب والمشاركة بيعكروا الروابط الاسرية والصداقة

من طرف ام دهب و مصطفى الثلاثاء مايو 27, 2014 7:33 am

شكرا للمرور العطر
انوار
ضوء القمر
هنا سيد

من طرف لولا الأربعاء مايو 28, 2014 6:19 am

فى كثير من الاحيان
عندما نشارك اصحابنا أو أقاربنا
يتدخل الشيطان وعوامل الغيرة والعشم الزيادة عن اللزوم اللى ضيعنا كثيرا
فتنقلب الصداقة والقرابة الى عداوة
وايضا فى حالة النسب
الاقارب يناسبوا بعض كى يزادادوا ترابط ولكن مشاكل الحياة تؤدى للعكس
وارى هذا المثل الى حدا ما صحيح
خلاصة تجارب اهل الخبرة

من طرف **هدى من الله** الجمعة يونيو 27, 2014 12:45 pm

عندما تكون الروابط الاسرية والصداقة متينة بين الناس
فلن يعكرها المشاركة ولا النسب
بل ستزداد مع المعاشرة الطيبة وتنازل الاطراف بعض الشيئ
أما إذا كانت المشاركة فى الاعمال والنسب
لاتزيد أواصر المحبة بين الناس
فلا داعى لها