كلمات من المأثورات الشعبية ومعناها

من طرف **هدى من الله** الجمعة أغسطس 30, 2013 5:37 pm

كلمات من المأثورات الشعبية ومعناها
=============

باشا
كل الناس يتقولك يا باشا وانت علشان فهمه غلط بترد وتقوله
انت اللى باشا وابن باشا ( وتقصد طبعا المعنى اللى انته عرفه )
مشهور ان باشا تعنى كلمة تركية الأصل تعنى رئيس
فيقال باشكاتب أى رئيس الكتبة .......!!! او باش محضر او باشمهندس00الخ

[ندعوك للتسجيل في المنتدى أو التعريف بنفسك لمعاينة هذا الرابط]

حِدِقْ
( واد حدق ) أصلها فى اللغة العربية ( حاذق ) او ماهر

[ندعوك للتسجيل في المنتدى أو التعريف بنفسك لمعاينة هذا الرابط]

فِتِكْ
أصلها فى اللغة العربية( فتاك) وتعنى انه بيفهم او بيعرف فى كل شيئ

[ندعوك للتسجيل في المنتدى أو التعريف بنفسك لمعاينة هذا الرابط]

اللَضَا
بنقول (محلتوش اللضا) وهى كلمة فرعونية معناها الرزق

[ندعوك للتسجيل في المنتدى أو التعريف بنفسك لمعاينة هذا الرابط]

أروبَة
نقول (انته ولد أروبة او انتى بنت اروبة ) وجاءت من كلمة إرِّب بتشديد الراء وهى لغة عربية بمعنى الدهاء

[ندعوك للتسجيل في المنتدى أو التعريف بنفسك لمعاينة هذا الرابط]

هَجَاص
نقول ( فلان هجاص) وهى كلمة حُرفت بدلا منهجاس اى من الهاجس أى الوسوسة ..
وتعنى ان فلان بيقول اى كلام وكلامه مش حقيقى
[ندعوك للتسجيل في المنتدى أو التعريف بنفسك لمعاينة هذا الرابط]

أونْطَة وأونْطَجِى
وهى كلمة تركية الأصل وتطلق على من لاينطق بالحق

[ندعوك للتسجيل في المنتدى أو التعريف بنفسك لمعاينة هذا الرابط]

بَزْرَمِيط
جاءت من كلمة pizzar وهى كلمة فرنسية الأصل بمعنى غير متناسق
فتحولت إلى بزرميط لتدل على نفس المعنى

[ندعوك للتسجيل في المنتدى أو التعريف بنفسك لمعاينة هذا الرابط]

يالهوى
كلمة تشتهر بها النساء دون الرجال وهى تبسيط لكلمة يا لهفة قلبى

[ندعوك للتسجيل في المنتدى أو التعريف بنفسك لمعاينة هذا الرابط]

أزْعَرِينَه
(عامل أزعرينه) .أصلها لبنانى (أزعر) بمعنى خفيف الدم ولكننا نقولها لمن يعمل ضوضاء

[ندعوك للتسجيل في المنتدى أو التعريف بنفسك لمعاينة هذا الرابط]

تَبَاتَه ، تِبِتْ
تحوير لكلمة (ثابت ) فى اللغة العربية وتعنى ان فلان لا يتحول عن موقفه ومتشبث به بدون حق

[ندعوك للتسجيل في المنتدى أو التعريف بنفسك لمعاينة هذا الرابط]

شَمْروخ

واصلها هو من شمر عن أكمامه وأصلها عربى

[ندعوك للتسجيل في المنتدى أو التعريف بنفسك لمعاينة هذا الرابط]

مَدْعوق
جاءت من كلمة (المدعو) او (المدعوء)وحرفت الى (مدعوق)
وهى كلمة تدل على عدم الإحترام للشخص المقصود بسبب تجاهل ذكراسمه

[ندعوك للتسجيل في المنتدى أو التعريف بنفسك لمعاينة هذا الرابط]

ألابَنْدَا
(انته عامله ألابندا فى المنتدى ليه) وهى كلمة فرنسية معناها الفِرقة
فأصبحت تستخدم لتعبر عن الصخب والضجة

[ندعوك للتسجيل في المنتدى أو التعريف بنفسك لمعاينة هذا الرابط]

غِلِسْ
جاءت من غلس بمعنى ظلمة آخر الليل وأصبحنا نقول واد غلس ويغلس ودى غلاسة

[ندعوك للتسجيل في المنتدى أو التعريف بنفسك لمعاينة هذا الرابط]

ألِسْطَة
كلمة انجليزيةالأصل وتنطق ALLSET بمعنى كله تمام واستخدمها البحارة فى البداية
حتى شاعت للتعبير عن سير الأحوال على ما يرام مثل كله السطه يعنى كله تمام وزى الفل

[ندعوك للتسجيل في المنتدى أو التعريف بنفسك لمعاينة هذا الرابط]

مِدَمِسْ
وتطلق على الفول وهى كلمة فرعونية تعنى الفول المطهو فى الفرن

[ندعوك للتسجيل في المنتدى أو التعريف بنفسك لمعاينة هذا الرابط]

حِكِمْدَار
كلمة تركية الأصل تعنى حاكم الدار

[ندعوك للتسجيل في المنتدى أو التعريف بنفسك لمعاينة هذا الرابط]

حار ونار
( تقول لفلان حار ونار فيك) ومعناها فى اللغة العربية أى ان الشيئ اللى جالك ييجى بالحرق والنار
عليك ، تعبيرا عن حقده لامتلاكه هذا الشيئ

[ندعوك للتسجيل في المنتدى أو التعريف بنفسك لمعاينة هذا الرابط]

عَفَارِمْ
كلمة تركية الأصل وتعنى الإستحسان

[ندعوك للتسجيل في المنتدى أو التعريف بنفسك لمعاينة هذا الرابط]

أوضَة
كلمة فرعونية وتعنى باللغة العربية غُرفة

[ندعوك للتسجيل في المنتدى أو التعريف بنفسك لمعاينة هذا الرابط]

مجانص
جاءت مجنص Magnus باللاتينى وتعنى ( ضخم ) وجعلناه احنا مجانص للتعبير عن الضخامة

[ندعوك للتسجيل في المنتدى أو التعريف بنفسك لمعاينة هذا الرابط]

زرزور
(انت زرزور كدا ليه) زرزور دا اسم بيطلق فى الروايات الإنسانية على أى شخصية فكاهية سواء سينمائية
أو مسرحية أو اذاعية ومن الطريف انه اسم طائر أوربى يزور مصر شتاء فى جماعات كبيرة
من الطريف ايضا انها تطلق على الانسان العصبى او السريع الغضب مخالفا بذلك معناها الحقيقى

[ندعوك للتسجيل في المنتدى أو التعريف بنفسك لمعاينة هذا الرابط]

بُؤجَة
وهى مأخوذه من الكلمة الإنجليزية Bag بمعنى شنطة

[ندعوك للتسجيل في المنتدى أو التعريف بنفسك لمعاينة هذا الرابط]

مُنْشَكِحْ
( انت منشكح كدا ليه ) وأصلها منشرح اى منشرح الصدر أى متكيف مع الوضع القائم

[ندعوك للتسجيل في المنتدى أو التعريف بنفسك لمعاينة هذا الرابط]

مَمْ / أُمْبو / واوه / كُخَه / بُعْبُعْ / بِخْ / تَاتَا
هذه الكلمات التى تقال فى كل مكان وهى كلها كلمات تستعمل مع الأطفال فى بداية تعلم الكلام
وهى فى الاصل كلمات فرعونية وتؤدى إلى نفس المعنى المراد الذى تريد أن توصله للطفل

[ندعوك للتسجيل في المنتدى أو التعريف بنفسك لمعاينة هذا الرابط]

يِتْوَغْوِشْ او متوغوش
(ألأم تقول وغوشتنى عليك ) وأصلها العربى وتعنى يتوجس خيفة أى يقلق
ومع الدلع اللغوى المصرى اتحرفت واتقلبت بقدرة قادر متوغوش عليه بدلا من متوجس عليه

[ندعوك للتسجيل في المنتدى أو التعريف بنفسك لمعاينة هذا الرابط]

فَشّار
هى كلمة لبنانية الأصل معناها شيئ غير محتمل حدوثه اى خيالى ثم ابتدعنا منها يفشر فشر فشار

[ندعوك للتسجيل في المنتدى أو التعريف بنفسك لمعاينة هذا الرابط]

يا حوستى
وهى كلمة نساية خالصة وهى مأخوذة من كلمة (يا خوشتى) وبردة بقدرة قادر
اتحولت الى يا حوستى وحوسة ومحتاس

[ندعوك للتسجيل في المنتدى أو التعريف بنفسك لمعاينة هذا الرابط]

التالتة تابتة
بتقولها كتير أوى صح بس مش عارف معناها عاوز تعرف معناها ؟
التالتة تابتة دى بقى حكاية انجليزية ففى الحرب العالمية التانية فى الحرب
صدر أمر عسكرى بأن من يشعل سيجارة لا يشعل للتاني ولا التالت 00 لماذا؟
لأنه لو أشعل الأول ..للتانى..ثم التالت أصبح مكانهم معروف للعدو وأصبح طلقات العدو
موجهة لهم ولأصابت الطلقة الثالث اكيد لانه فى حالة عدم إصابة الأول فمن المحتمل
النجاح فى التصويب فى الطلقة الثانية فإن لم يحدث ذلك فمن المؤكد أنها ستنجح
فى إصابة الثالث ومن هنا تصبح التالتة تابتة

[ندعوك للتسجيل في المنتدى أو التعريف بنفسك لمعاينة هذا الرابط]

خُرُونْج
خرونج معناها خارج المنافسة أى شيئ ليس له قيمة اى شيئ تافه

[ندعوك للتسجيل في المنتدى أو التعريف بنفسك لمعاينة هذا الرابط]

إمّعَة
نقول رجل امعه يعنى معاهم معاهم عليهم عليهم وهو المنافق ابو وشين

[ندعوك للتسجيل في المنتدى أو التعريف بنفسك لمعاينة هذا الرابط]

أرارى
(تسمع الناس الكبار يقولك ده فلان أرارى)
وهى بمعنى رأس البر وهى ترمز للإنسان الذى يُخرج الخبر من الأعماق

[ندعوك للتسجيل في المنتدى أو التعريف بنفسك لمعاينة هذا الرابط]

إسْتَبينا
وهى كلمة ايطالية (ادينا بنتكلم ايطالى واحنا مش عارفين ) ومعناها اتفقنا أو كله تمام من كلمة " فابينا " الايطالية

[ندعوك للتسجيل في المنتدى أو التعريف بنفسك لمعاينة هذا الرابط]

كانى ومانى
( لا تقولى كانى ولا مانى ) بتقولها كتير ...... صح . بس مش عارفين معناها
كانى ومانى ياسيدى أصلهما فرعونى قديم ،كانى تعنى السمن ، مانى تعنى العسل
حيث كان عامة الشعب يتوسلون إلى كهنة المعابد بتقديم السمن والعسل إليهم لقضاء حوائجهم
وهذه الكلمة نقولها للرد على من يراوغ بكلام معسول

[ندعوك للتسجيل في المنتدى أو التعريف بنفسك لمعاينة هذا الرابط]

الحابل والنابل
( يقال اختلط الحابل بالنابل) والحابل هم الذين يمسكون حبال الخيل و الجمال فى الحرب ،
والنابل هم الذين يرمون بالسهام ، فحين تشتد المعركة يختلط هؤلاء بهؤلاء وهى كلمات تعنى الفوضى

[ندعوك للتسجيل في المنتدى أو التعريف بنفسك لمعاينة هذا الرابط]

عَنْطَزَة
كلمة أصلها تركى وهى تعنى فى اللغة العربية ( التكبر ) وتفرع عنها متعنطز أى ( متكبر ) أوطالع فيها بالبلدى

[ندعوك للتسجيل في المنتدى أو التعريف بنفسك لمعاينة هذا الرابط]

وَجَبْ
( الصبى يقول للمعلم وجب يا معلم أو وجب يا ريس) ووجب بمعنى أمر واجب باللغة العربية

[ندعوك للتسجيل في المنتدى أو التعريف بنفسك لمعاينة هذا الرابط]

إكْسِلَانْس
وهى كلمة معناها يدل على الفخامة وكانت شائعة الإستعمال فى عهد الملكية
فى مصر وهى كلمة فرنسية

[ندعوك للتسجيل في المنتدى أو التعريف بنفسك لمعاينة هذا الرابط]

مناخوليا
حالة عقلية توجد فى عدد من الأمراض العقلية وبعض النشاط الحركى ويتميز بالإنطواء والقلق ورغبة فى الأنتحار
واسمها الحقيقى ( ماليخوليا ) ولكنها بحداقة الشعب المصرى تحولت إلى مناخوليا

[ندعوك للتسجيل في المنتدى أو التعريف بنفسك لمعاينة هذا الرابط]

مَمْنُون
كلمة تدل على السرور والإمتنان تجاه شخص ما
ولكنها تطلق أيضا على تمثالان هائلان لأمنحوتب الثالث أقامهما أمام معبده الجنائزى بطيبة الغربية

[ندعوك للتسجيل في المنتدى أو التعريف بنفسك لمعاينة هذا الرابط]

نِيلَهْ
( كثير ما تسمع جاك نيلة او انت يا نيله) واصلها ( نيلج ) وهو أهم الأصباغ الزرقاء عرفت بالهند
ومصر القديمة ودخلت أوروبا فى القرن 16

[ندعوك للتسجيل في المنتدى أو التعريف بنفسك لمعاينة هذا الرابط]

عُقْبَالكْ
ويقابلها فى اللغة العربية ( العاقبة عندكم)

[ندعوك للتسجيل في المنتدى أو التعريف بنفسك لمعاينة هذا الرابط]

أهْبَلْ
وهى تحوير لكلمة (أبله ) فى اللغة العربية ثم تفرع منها كلمات مثل سبهلله واستهبال وهبالة

[ندعوك للتسجيل في المنتدى أو التعريف بنفسك لمعاينة هذا الرابط]

إسْتَنَى
هى تحوير لكلمة يتأنى فى اللغة العربية بمعنى عدم الإستعجال

[ندعوك للتسجيل في المنتدى أو التعريف بنفسك لمعاينة هذا الرابط]

صُعْلوك
وهى تعنى فى العربية فقير

[ندعوك للتسجيل في المنتدى أو التعريف بنفسك لمعاينة هذا الرابط]

يا هووووه
(ونقول يا عالم يا هوه ) ياهوه كلمة عبرية معناها الرب

[ندعوك للتسجيل في المنتدى أو التعريف بنفسك لمعاينة هذا الرابط]

أليط
( يقولك الواد ده أليط أوى ) وهى كلمة فرنسية الأصل ( ELite ) أى مزهو بنفسه

[ندعوك للتسجيل في المنتدى أو التعريف بنفسك لمعاينة هذا الرابط]

بوسه
أصلها أسبانى ( ايوه بنتكلم أسبانى كمان ) وتكتب Bessa وتحمل نفس المعنى
على فكرة: انا عندى تليفزيون 27 بوسة ههههههههههه

[ندعوك للتسجيل في المنتدى أو التعريف بنفسك لمعاينة هذا الرابط]

كولونيا
وهى بلدة ألمانية تدعى Cologne بمعنى رائحة عطرة

[ندعوك للتسجيل في المنتدى أو التعريف بنفسك لمعاينة هذا الرابط]

إتْخِمِدْ
( اتخمد يعنى نام ) وجاءت من ( خمدت النار باللغة العربيبة أى أوشكت أن تنطفئ )

[ندعوك للتسجيل في المنتدى أو التعريف بنفسك لمعاينة هذا الرابط]

فضيحته بجلاجل
الجلاجل هى الأجراس ، وللكلمة قصة طريفة فقديما كان عقوبة المجرم أن يركب المحكوم عليه
على حمار بالمقلوب بصحبة الشرطة وهم يحملون أجراسا يدقونها لكى ينبهوا الناس إلى
رؤية المجرم وهو يطوف بالقرية رغم أنفه لكى يتعرفوا عليه سكانها وتكون فضيحته بجلاجل

[ندعوك للتسجيل في المنتدى أو التعريف بنفسك لمعاينة هذا الرابط]

هتجرسْنى
لما يعاتبك فى شيئ فيقول لك انت هتجرسنى
وهى مأخوذة أيضا من جرس الحراس فى تلك القصة السابقة وتعنى الفضيحة
كانت تسمى فى مصر الجُرْسة 00 وقد وقع غيها الفنان العراقى الكوميدى الشهير نجيب الريحانى
بسبب شربه للمخدرات00 وبعد الجرسة اقسم الا يقترب منها مرة اخرى وقد كان

[ندعوك للتسجيل في المنتدى أو التعريف بنفسك لمعاينة هذا الرابط]

وأخرى فرعونية الاصل
ومنها:
- ( يامطرة رخى رخى ) وأصل كلمة ( رخى ) فى العامية المصرية هو ( رخ ) فى الهيروغليفية ومعناها ( نزل )
- اكلة ( البيصارة ) واسمها القديم ( بيصورو ) ومعناها الفول المطبوخ .
- وكلمة نونو وهي الوليد الصغير,وكلمة كحكح وتعنى العجوز
- وكلمة طنش معناها لم يستجب,....وغيرها كثير
- بطط اى دهس
- بطح: ضرب فى الرأس
- ست: امرأة
- تاته :خطوة خطوة
- خم: يخدع
- حبه: القليل من
- ياما : كتير
- كركر: من كثرة الضحك
- كح كح:وصل الى مرحلة الشيب
- هوسة: صوت الغناء العالى
- نونو :طفل صغير
- مأهور: حزين
- مأأ : يدقق النظر
- إدى: اعطى
- همهم: تكلم بصوت خافت
- فنخ: فسد
- بح: انتهى
- حتتك بتتك : لحم وعظم
- مصطبه وتعنى (تابوت) ..
- لقب " ست " و" سى " كما نقول واحده ست ، ونقول سى اليد وهم القاب فرعونية مية فى المية ..
- باش : كما نقول(العيش باش) اى تطوله المياه .. وكلمة { باش } كلمة فرعونية ومعناها " طرى أو ندى "
- كوش: كما نقول (فلان كوش ) على كل حاجة .. وكلمة { كوش } كلمة فرعونية معناها " سرق الشئ جميعه " ..
- سُك: كما نقول قول ( سك الباب ) آى أقفل الباب وكلمة { سك } كلمة فرعونية معناها " أغلق " ..
- حتى الكلمات التى نستخدمها فى التعامل مع الحيوانات منقولة كما هى عن اجدادنا ..
فقد كانوا يقولون للحمار والحصان .. { حا ، شى ، هس، جر، بس ، زر } وللطير { هش } ..
- وكما نقول " ياليل ياعين "، ليل بالفرعونى معناها الفرح .. ومعنى الجملة اللى بيغنيها الفراعنة
وورثناها عنهم " افرحى ياعين " لما تشوفيه ..!
منقول