آداب الحديث فى التليفون

من طرف لولو حسن الأربعاء أغسطس 28, 2013 4:55 pm

آداب الحديث فى التليفون
===========

يعاني الكثير منا من سخافة البعض في استخدام التليفون سواء الارضي او الموبايل واليكم بعض النصائح للتغلب علي هذه السخافات .

عندما يتصل بك احدهم ويقول لك مين معايا ؟ رد عليه وبلا تردد وقول له كل الناس الناس معاك محدش ضدك

عندما يتصل احدهم بعد نص الليل ارفع السماعه وقبل ما يتكلم اعمل نفسك بتكلم نفسك وقول ومين ده اللي ما عندوش دم اللي بيتصل في نص الليل ( في الغالب هيقفل الخط من سكات)

عندما يتصل احدهم ويقول لك اديني فلان .. رد عليه بكل ادب وقول له رتبته ايه يا افندم .. ها يتلبخ ويقول لك هو انا طالب ايه قول له امن الدوله او مديرية الامن

عندما يتصل بك احد معارفك ويقولك الواد الصغير عايز يكلمك ( الولد عنده 3 شهور ) وتلاقي نفسك محرج كلم الولد وقول له طيب يا حبيبي ابقي سلم علي بابا واقفل الخط بسرعه

عندما تتصل بك مراهقه وتقول لك ازيك يا محمد قولها انا كويس جدا بس انا جرجس مش محمد ( هاترتاح من معاكستها)

عندما تتصل بك احداهن وفاكراك السوبر ماركت ولا الخضراتي وتقول لك عايزه 2 كيلو بطاطس قول لها عايزاه مقلي ولا صينيه

عندما يتصل بك احدهم ويطول في المكالمه وعايز تخلص منه شغل اي نغمه في موبايلك وقول له جاي لي مكالمه وهابقي اكلمك بعدين

عندما يصر احدهم علي معاكستك وعندك خطين تليفون زي حالاتي دخل الخطين علي بعض لمده ثواني وسمعه الحراره وافصلهم تاني واعمل نفسك بتكلم عسكري عندك وقول له ادخل علي الخط بتاعي وهات لي اللي بيعاكس من قفاه

ارجو ان تفيدكم هذه النصائح وتجيب نتيجه مرضيه زي ما بيحصل معايا وشكرا