سمعت أخر نكتة 2013

من طرف ام دهب و مصطفى السبت يوليو 13, 2013 11:05 am

سمعت أخر نكتة 2013
=========

*واحد اشترى غسالة فول أوتوماتيك مراته عزمت الجيران علشان يشوفوها
و تغيظهم حطت في الغسالة 20 كيلو غسيل وعزمتهم على كوباية شاي وبعد شوية الغسالة بدأت تنشف……
الغسيل ومن كتر الحمل عليها قعدت تتحرك ناحية البلكونة شفتها مرات صاحبنا قامت جريت عليها وقالت لها والله ماانت ناشره الغسيل
أنا اللي حنشره والغسالة المسكينة بتاخد بس 7 كيلو وشغلتها والجيران باركولها

* مره واحد مستعبط اتجوز واحده مستعبطه… خلفو عيال مستهبله… استعبط الاب وعمل نفسه ميت..استهبلو العيال ودفنوه.

* واحدة مصرية ماشية في امريكا فواحد عاكسها فقالتله
: ((collect your self azarwise I will collectstreet on you , your mother’s soul ))
الترجمة بالعربي : لم نفسك بدل ما ألم الشارع عليك يا روح أمك

* مدرس انجليزي بيقول لطالب لو عايز تقول لواحد تعالى هنا بالانجليزي حتقولو إيه ؟ قالو حقوله : كام هير ،
قالو طب لو عايز تقوله يرجع تاني حتقوله إيه ؟؟ قال : الف من الناحية التانية واقوله : كام هير .

* مره جماعه مساطيل قاعدين فى خيمه ليها بابين بيحششوا وكانوا عايزين كبريت راحوا بعتوا واحد ( مسطول طبعا ) يجبلهم كبريت
راح خارج من الباب ودخلهم من الباب التانى وسالهم: الاقى معاكم كبريت . قالولوا تعال اقعد احنا لسه باعتين واحد يجيب لما يجى ابقى خد منه

* حمار وحشي و حمار عادي كانوا بيتسابقوا اول ما بدأ السباق الحمار الوحشي جري والعادي متحركشي سالوه مجرتش ليه قال لهم
و الله ما انا متحرك من مكاني الا لما تجيبولي ترينج زيه

* مره مدرس بيسأل الطلبه بتعملو ايه لما بتروحو…؟واحد قال انا بروح اتفرج على التليفزيون وانزل لاحمد بتاع الحشيش…والثانى قاله انا يروح
العب كوره واروح لاحمد بتاع الحشيش… والثالث قاله انا بروح اصلى واقرأ قرآن واذاكر… فا المدرس فرح اوى وخده بالحضن وسأله انت اسمك ايه؟
قاله انا احمد بتاع الحشيش

* واحدة رايحة تشترى بغبغان الراجل قالها دا بغبغان جامد ترفعى رجليه اليمين يقول اغنية لتامر حسني ترفعى رجليه الشمال يغنى لعمرو دياب
قالتله ولو رفعت رجليه الاتنين هيعمل ايه رد الغبغان وقال هقع ياروح امك

* مرة واحد سافر لأمريكا ولما رجع اصحابه سألوه :ايه ايه الي لفت نظرك هناك,فقال:انا شوفت العجب في امريكا تخيلو العيل الي
عنده تلات سنين بيتكلم انجليزي

* واحد بيقول لصاحبه: شايف الست اللى واقفة هناك دى؟ بتضرب كل يوم جوزها بالجزمة
قال له: وعرفت ازاي؟ رد: أصلها مراتي

* واحد بلدياتنا واقف بيقلع هدومه فى ميدان التحرير .ولما الناس سألوه بتعمل ايه قالهم اصل الكمسرى قالى عشان اروح شبرا
لازم اغير فى التحرير