جدول البرنامج الخاص برمضان

من طرف روضة البدر السبت يونيو 01, 2013 9:01 am

جدول البرنامج الخاص برمضان
============

عايزين نعمل جدول ونجعله امامنا فى رمضان بعدد ايام رمضان وكل يوم نعلم على اللى عملنها فى اليوم ونعطى نفسنا درجات وكل يوم احسن من اللى قبله
وهاقول الربنامج بس من الممكن ان احد يحس انه زيادة عليه كل واحد ياخذ المستطاع اليه ومن ثم يعمل الجدول الخاص به

-1-
التوبة:
عايزين قبل رمضان نتوب من كل الذنوب الى احنا بنعملها وتكون توبة نصوحة
وياريت نحافظ على اننا كل يوم فى رمضان نصلى ركعتين توبة على الذنب اللى عملنها فى هذا اليوم

-2-
الصلاة:
عايزين نحافظ على الصلاة فى اوقتها محدش ياخر صلاة عن ميعادها اول ما يوذن الاذان نقومى نتوضاء ونصلى علطول
وتكون فى جماعة وخاصة للشباب اما الفتيات تحاول تصليها جماعة فى البيت مع اخواتها

-3-
النوافل:
عايزين نحافظ على النوافل يعنى 12 ركعة نافلة فى اليوم وفى حديث عن رسولنا الكريم من حافظ عليهم دخل الجنة
وهما 2 ركعة قبل الفجر , 4قبل الظهر و2 بعد الظهر , 2 بعد المغرب , 2 بعد العشاء وبكده يبقو 12 ركعة

-4-
صلاة التراويح:
نحافظ على صلاة التراويح كل يوم وكلها مش نصلى اتنين ونمشى حاول تعين نفسك وشوف مين من اصدقائك يعينك واذهبوا مع بعضكم لكى تشجعوا بعض
والمسجد اللى هتصلى فيه يكون بيختم فى شهر رمضان ويكون الصوت الشيخ اللى تصلى معه يكون صوت حسن لكى يسعدك على الخشوع

-5-
صلاة التهجد:
ياريت نحافظ على صلاة التهجد ولو حتى ركعتين يومين

وفى حديث عن رسولنا الكريم فيما معناه
(من ادى فريضة فى رمضان كمن ادى 70 فريضة ومن ادى نافلة كمن ادى فريضة)

-6-
صلاة بعض السنن:
مثل صلاة ركعتين بعد كل وضوء
صلاة تحية المسجد وغيرها من السنن مثل صلاة الضحى

-7-
القران الكريم:
نكثر من قراة القران فرمضان شهر القران والختم على الاقل مرة فى رمضان
ونختم القران ايضا سمعيا بسماع كل يوم جزء من القران فى الكاسيت اوى الموبيل او الكمبيوتر وبكده هيحسن قراتنا للقران
حفظ بعض السور ولو حتى سور قصيرة للصلاة بها
ومن الممكن من لديه احدا متوفى ان يختم له القران بمعنى انه بعد ختم القران ان يدعو ويقول انى اعطى ثواب هذه الختمة لفلان

-8-
الصدقات:
نحاول تفطير صائم ولو كان على شربة ماء
ونساعد فى عمل شنط رمضان
وعمل زكاة المال وزكاة الفطر

-9-
صلة الرحام:
كل يوم اسال على احد من اقاربك وان كان فى ضغناء سامح ولا تعاتب اى احد

-10-
صيام الجوارح:
يعنى عايزين نصوم العين
بانها لاتنظر الى ماحرم الله وكمان مش طول اليل والنهار امام المسلسلات والبرامج وهكذا خلينا نعود العين على الطاعة
وكمان نصوم الاذن
يعنى لاتسمع الغيبة والنميمة وكمان الاغانى عايزين نعود الاذن على سماع القران والكلام الطيب
وكمان نصوم اللسان
يعنى يكون لسان ذاكر لله تالى للقران ويقول الكلمة الطيبة

وبهذا نكون عملنا جدولنا وعلى فكرة احنا نريد ان نعود انفسنا على هذه الافعال فى رمضان لتكون دائما معنا حتى فى غير رمضان

يلاه قومى اعملى الجدول الخاص بكى
وشوف ايه اللى هتقدرى تعمليه وضعيه فى جدولك

من طرف لولو حسن الأحد يونيو 02, 2013 5:14 am

شكرا روضة البدر على الجدول الجميل
وبالفعل علينا التجهيز لرمضان بجدول للعبادة حتى لاتضيع ايام رمضان الحلوة بين الطبخ والمسلسلات .. رمضان شهر العبادة الخاصة
اللهم بلغنا رمضان ورمضان ورمضان