الفوائد الكثيرة لدخول الزوجه على الفيس بوك

من طرف رحمة الأحد مارس 31, 2013 8:26 pm

الفوائد الكثيره لدخول الزوجه على الفيس بوك
---------------------------------

قد يظن الزوج و يشك ان دخول زوجته المستمر على الانترنت و الفيس بوك بيضيعلها وقتها و بيخليها مش منتبهه له و لبيتها ..

احب اقولك بعض الفوائد البسيطة لوجود الزوجة على الانترنت

شوف ياسيدي

1 - الزوجة ممكن تتعلم اكلات جديدة من الصفحات الكتير المنتشره للاكل و الافكار الجديدة للبيت . يعني استفادة اهه يامتعلم يابتاع المدارس )

2 - بتشوف الزوجة مشاكل و شكاوي و استفسارات من ستات تانية سواء على المنتديات او الفيس بوك و بالتالي ده بيهون عليها مشاكلها و أزماتها في الحياه عموما و في الزواج خصوصا .. واخدلى بالك

3- هتخف من انها تركز معاك طول الوقت و تلاحقك في الاسئلة المعتاده بتاعة انت فين و امتي مروح الخ الخ ..و بالعكس ده ساعات هتبقي عاوزاك تتاخر شوية عشان تاخد كفايتها من النت و التصفح )

4 - لو داخلة على الانترنت في فترة وجودك في البيت .. هتبقي ضامن ان طول فترة وجودك قاعدة ساكته و مش هتقعد تاكل دماغك باي حكاوي ولا مواقف بتحصلها ... شوفت بقي الميزة الجامده دي .

5 - بتتواصل مع صديقاتها عن طريق اللايك و الكومنت و الرسايل الخاصة و بالتالي خروجها لمقابلتهم و الزيارات المتبادله بتقل عن الاول كتير ..

6 - هتستحوذ على ريموت التليفزيون لوحدك يا كبير ومش هتضطر تستني لما المسلسل التركي يخلص عشان تاخد الريموت ربع ساعة فقط على ما المسلسل المكسيكي يبدا

شوفت بقي ان القعدة على النت مفيدة ازاي مش زي ما انت متخيل خالص انت المفروض تشكرها كل مرة تلاقيها قاعدة فيها على الانترنت
منقول