الرئيسية
البوابة
أحدث الصور
التسجيل
دخولبحـث
سحابة الكلمات الدلالية
المواضيع الأخيرة
نوفمبر 2024
| الإثنين | الثلاثاء | الأربعاء | الخميس | الجمعة | السبت | الأحد |
|---|---|---|---|---|---|---|
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 |
التبادل الاعلاني
التبادل الاعلاني
أفضل 10 أعضاء في هذا المنتدى
| هدى من الله |
| |||
| لولو حسن |
| |||
| روز |
| |||
| هنا سيد |
| |||
| توتى بدر |
| |||
| fola |
| |||
| روضة البدر |
| |||
| ام دهب و مصطفى |
| |||
| امة الرحمن |
| |||
| لولا |
|
البت باتعة ... للشاعر محمد الديب ( امين الديب)
5 مشترك
روضة البدر :: المنتديات الادبية :: الشعر
صفحة 1 من اصل 1
البت باتعة ... للشاعر محمد الديب ( امين الديب)
من طرف لولو حسن الأربعاء مارس 13, 2013 10:41 pm
البت باتعة ... للشاعر محمد الديب ( امين الديب)
====================
البت باتعة
بنت زيد عبد الصبور
اللى أمها
يوم عرسها
كان عفشها
حلة وبابور
ومعاه كمان صندوق خشب
كان أصله سحارة صابون
فيه بنستين والمكحلة
ومراية والفلاية والملقاط
وحجر وليفة ومبخرة
وقزازة كان فيها البخور
وجوز صحون ومنخلين
والطشت والقروانة والغربال
ومقشة ليف ومقشتين عرجون
وزير وزلعة وقلتين وماجور
وحصيرة من سوق التلات
ولحاف بايدها منجداه
ومخدتين
والوش كان دمور
فى الانفتاح
على رأى صاحبى والانبطاح
وفتحنا مصر سداح مداح
والعرض أصبح مستباح
ونسينا حى على الكفاح
اتلخبطت كل الأمور
وقيم كتير وعادات كتير اتغيرت
من ضمنها
غلو المهور
البنت دى
بنت أم باتعة
مش عاجبة حد فى مشيها
اكمنها
مشيت طريقها لوحدها
والأسرة غابت عنها
مشغولة عنها بعبئها
سايبينها هى وشأنها
واكمنها مستهدفة
الأجنبى ومعاه غبى
فكر لها
قال أولا :
ترفض معيشة أهلها
ترفض أوامر ربها
ترمى الحياء والانتماء ورا ضهرها
تقطع جذورها بنفسها
أوعز لها
ازاى هاتعرض لحمها
وازاى تبان مفاتن جسمها
من ضفرها
لأعلى خصلة فى شعرها
عمل الصالات
تعرض موضات
والاعلانات
مالية الشاشات
بالشامبوهات والتسريحات
وحاجات كتير فرحت بها
تاهت ونسيت نفسها
وتكلمك ربع الكلام بالأجنبى وتقول هالو
بنت أم باتعة تقول هالو
ميرسى يا شوشو وثانك يو
وكم يا توتو وياللا جو
وبكرة بينا رانديفو
وكبار شيوخ المسلمين
ماعرفش ليه متلجمين
والمسئولين
فتحوا البيبان على وسعها
قام قال سلامة : ألمها
يمكن تغير فكرها
وتعيش حياتها بحلوها وبمرها
راح لأمها
يخطبها منها وقال لها :
بصراحة بنتك عايزة حد يلمها
وأنا قدها
قالت : وماله
البنت يلزمها الجواز
شخشخ جيوبك واشترى ياللا الجهاز
قال : اطلبى
قالت : تجهز شقة قد أربع أوض
أحسن نابوليا فى البلد
وتجيبها من دمياط
وتجيف نجف من غير عدد
والمكنسة بشفاط
والدش قبل الدش
والفيديو والبوتاجاز
وتجيب لها تلاجة ستاشر قدم
وتجيب لها قبل الجواز
الشنطة والمحمول
وتجيب لها غسالة فول
أنا قصدى فول توماتيك
شقتها كاملة زى أى بوتيك
وتجيب لها قبل الجهاز
الشبكة طقم من الدهب
أن مش هاقول ألماظ
وتجيب لها فستان زفاف
من غير كمام من غير كتاف
علشان يبين صدرها
وتجيب غوازى تزفها
واللى اسمه ايه شهر العسل
فى الشرم ولا الغردقة
وبلاش أمور البعزقة
آدى مطلبى
ان كنت قادر مهرها
قرب لها
أنا مش هاميل بختها
قال : يا ام باتعة هاجيب منين
أنا لا انا راجل مرتشى
ولا احب اجيب بالدين
ولا ارضى بالتقسيط
الطاق بيبقى طاقين
ويكتبونى شيكات
أو امضى على ايصالات
على انها امانات
وحكاية مش هيه
لو بس فات شهرين
مادفعتلوش قسطين
بدل المحامى اتنين
هايجيب له رفض الشيك
ومصيبة وقضيه
ومش هاقولك ع القرف
وحاجات مخلة بالشرف
أما البوليس والمحكمة
هابقى فى نظرهم منحرف
وباكسر القوانين
شوفى يا ام باتعة
أنا عندى شقة محندقة
معقولة ماهيش ضيقة
فيها يدوب أوضتين
وعملت جمعية
مع ناس أمارة زيكم
وقبضتها ألفين
وآدى اللى عندى وقلتلك بصراحة
وبإذن واحد أحد ربك هايفرجها
وباتعة هاتريحك وتبات مرتاحة
قالت له : قوم من هنا
قم فضها سيرة
أنا احترمتك ..
عشان الأهل والجيرة
بتقوللى ألفين جنيه ؟!!!
ألفين جنيه دول ايه ؟!!!
وأنا اللى قال بافتكر
باتعة هاتاخد بيه
حافظ على كلمتك يا أهبل وخليك ذوق
دى باتعة طول عمرها دايما تبص لفوق
الاحمر والاخضر
وشى محزق وبنطلونات
والشعر فوق كتفها سايح
وفى الكوافير
مش كل طير يندبح
خد دش وانت تفوق
وتفوق لنفسك
وتتكلم كلام موزون
وفرضنا انت اللى عاقل
والمستمع مجنون
ألفين جنيه للغوازى ولا للمأذون ؟!!!
فى ناس كتير زيكم
مش عايشة فى الدنيا
مابتسمعوش الرضاوى ولا التليفزيون ؟!!!
شفت اللى بيقدمه الحاج متولى ؟!!!!
الشقة بالعفش كاملة
وفلوس كتير فى البنك
كتبه لعروسته
ده غير اللبس والمصاريف
شايفاه بعينى
ولا واحد غريب قاللى
كل المسلسل تابعته دقيقة بدقيقة
والحاج متولى الهى لم يشوف ضيقة
راجل صحيح مقتدر
كل البنات عاوزاه
وباتعة بنتى الهى يكون نصيبها معاه
مش جاى تقوللى الشباب ؟ّّّ!!!
أنا ناقصة هم تقيل
قال : يا ام باتعة اسمعينى
كل ده تمثيل
قالت له : ده قصر ديل
وبلاش كلام فاضى
الشعب راضى
مفيش غيرك عامل لى تقيل
ماتكونش ماهر يا شاطر
واسم أبوك عطار
والشاى على النار
وقاعد لسه ع الرملة
والحلوة تيجى تلاقيك
فارش لها المنديل ؟ّّّ!!!
قال يا أم باتعة دى ناس بتوزع الأوهام
ساعدوا العدو بجهلهم
فى الحرب ع الاسلام
وأنا مش بالوم جهلهم
اللوم على الاعلام
قالت : خلاصة الكلام
أنا بنتى مش من وأمكم
شوفولكوا ناس على قدكم
أنا بنتى حلوة مثقفة
حافظة الأغانى كلها
أحدث شرايط عندها
دى لما تلبس بنطلونها الجينز
كل الشباب تجرى وتخطب ودها
ونانسى عجرم نفسها
ماتجيش فى خصلة ف شعرها
ولا تيجى ضفر ف رجلها
طب والنبى
لو شافها واحد أجنبى
ليجيب لها
كل اللى ييجى فى نفسها
أنا بنتى عايزة جدع
عاقل يكون كسيب
أبوه فى حزب اسمه ايه
ويكون من المحاسيب
أو زى ابن أم بطة
شغال على التهريب
أو من بتوع النوادى
أو يكون لعيب
الجون بمليون جنيه
ويغيظ أمين الديب
قال : يا أم باتعة
اللى يرضى بالحلال هايعيش
مفيش بيوت تتبنى
بالغش والتهبيش
هيه الأغانى تداوى
أم عين عورة ؟
ولا الدول تنبنى
بالفن والكورة ؟
وياريته فن بصحيح
لكن مالوش قيمة
فن الجريمة بقى ع الشاشة والسيما
وعاداتنا حتى القيم
اتقطعت أشلاء
فقد الشباب الانتماء
بس المهم يعيش
تايه مابين الفراعنة
والعرب وقريش
وعلموه الاستكانة
لاجل أكل العيش
وغصب عنه اتحكم
بفتوة والألاضيش
عايزين نعيش يا أم باتعة
زى خلق الله
نحمى الشباب من الفتن
وبلاش من المغالاة
اللى انتى عارفاه حرامى
بس مش شايفاه
سرق عقولنا وأخلاقنا بتليفزيون
صنع سلاسل وساحبك
وانتى ماشية وراه
قالت له : قوم يا ابن زاهية
يا ابن أم عين حولة
عمال تلقح كلام
هوه انت من دوله ؟!!!
قوم فز غور من هنا
قوم غور ماتحبسناش
بتجيب فى سيرة اسمه ايه
والفجر لسه ماجاش ؟!!!
فاكر فى يوم اسمه ايه
يوم احتفال اسمه ايه
ساعة ما مات اسمه ايه
وجه بداله اسمه ايه
عمل قانون اسمه ايه
وده مخلى اسمه ايه
يقطع لسان اسمه ايه
لو جاب فى سيرة اسمه ايه
عقبال سلامة ابن ايه
ويحطه فى اللى اسمها ايه
من غير محاكمة اسمها ايه
تقعد سنين منحاش
فكرك تحوش اسمه ايه
هوه اسمه ايه ينحاش
قال : يا أم باتعة انتى ايه
قصدك تخلى اسمه ايه
يحبسنى فى اللى اسمها ايه
من غير محاكمة اسمها ايه
أقعد سنين منحاش
أنا جبت سيرة اسمه ايه ؟؟
وفرضنا قلت اسمه ايه
ماهو برضه ماغلطناش
قالت : خلاص فضنا
يا تقوم تغور من هنا
أنا بنتى زى القمر
لسه عريسها ماجاش
عايزاه يكون مقتدر
ويكون كبير يا بلاش
أنا ناقصة هم الشباب
والنفخة ع الفاضى
فاكرنى مكتب شئون
هاديكو بنتى بلاش
قوم فز غور من هنا
قوم فضها سيرة
والباب وراك تقفله
واتهوى فى السيرة
واوعاك تعتب هنا
لو ليك كرامة صحيح
أصل اللى زيك كده
الدم عنده شحيح
وان كنت بالشكل ده
يوم خارجتى ماتجيش
خرج يقول : يامسلمين
يا ولاة أمور المسلمين اللوم لمين
للمسئولين ولا الحرس
يا مثقفين دقوا الجرس
ماله الجرس صابه الخرس
اوعاك تقول ان الودان
صابها الصمم
اوعاك تقول الناس كمان
زى الغنم
مابيفهموش
وبلاش تكونوا بجهلكم
أو حتى فى ناس منكم
بينفذوا تخطيط لبوش
فتش ... وشوف الجرح فين
وضح ... وقول للمسئولين
وبلاش من النوم فى العسل
وبلاش كسل
وياريت تكونوا القدوة
وتكونوا المثل
وبلاش تعرض سمعتك للقيل وقال
وبلاش طريق الهلس والبطال
بكرة التاريخ هايغربلك
ويغربل الأعمال
فى ناس تعيش
وناس تموت ولا تتنسيش
وناس تموت تحت النعال
وفى كتب زى الدهب
وفى كتب من غير تمن
يرموها للزبال
يا مثقفين فين جهدكم
والمشكلة قدام عنيكم كلكم
قدامكو فرصة عمركم
راقبوا البرامج كلها
واتفكروا واستفسروا القصد ايه من بثها
ومين ومين م المسئولين صرح بها
وفين شيوخ المسلمين
عشان توقف عرضها
واللوم لمين
ياكبار شيوخ المسلمين
قولوا بصراحة ع الملأ
لو واحدة تعرض لحمها
ولا تختشيش على دمها
ولا تستحيش من ربها
مهرة ومن غير لجام
يا كبار شيوخ المسلمين
عايزين امام
يصرخ يقول لوزارة الاعلام
حرام
وبجرأة يعلن كلمته
علشان يبرأ ذمته
يعمل حساب يوم زفته
يعمل حساب يوم الزحام
قدامكو عام
والزحف جاى م العولمة والأمريكان
وخلاص بدأ شد الحزام
يا أيها الحكام
ماتغيبوش وعى الشعوب
بالشرطة والاعلام
الكيل طفح
وادى الشعوب بتقولكم
قدامكو فرصة عمركم
قدامكو عام
يا تقولوا ع الدينا السلام
====================
البت باتعة
بنت زيد عبد الصبور
اللى أمها
يوم عرسها
كان عفشها
حلة وبابور
ومعاه كمان صندوق خشب
كان أصله سحارة صابون
فيه بنستين والمكحلة
ومراية والفلاية والملقاط
وحجر وليفة ومبخرة
وقزازة كان فيها البخور
وجوز صحون ومنخلين
والطشت والقروانة والغربال
ومقشة ليف ومقشتين عرجون
وزير وزلعة وقلتين وماجور
وحصيرة من سوق التلات
ولحاف بايدها منجداه
ومخدتين
والوش كان دمور
فى الانفتاح
على رأى صاحبى والانبطاح
وفتحنا مصر سداح مداح
والعرض أصبح مستباح
ونسينا حى على الكفاح
اتلخبطت كل الأمور
وقيم كتير وعادات كتير اتغيرت
من ضمنها
غلو المهور
البنت دى
بنت أم باتعة
مش عاجبة حد فى مشيها
اكمنها
مشيت طريقها لوحدها
والأسرة غابت عنها
مشغولة عنها بعبئها
سايبينها هى وشأنها
واكمنها مستهدفة
الأجنبى ومعاه غبى
فكر لها
قال أولا :
ترفض معيشة أهلها
ترفض أوامر ربها
ترمى الحياء والانتماء ورا ضهرها
تقطع جذورها بنفسها
أوعز لها
ازاى هاتعرض لحمها
وازاى تبان مفاتن جسمها
من ضفرها
لأعلى خصلة فى شعرها
عمل الصالات
تعرض موضات
والاعلانات
مالية الشاشات
بالشامبوهات والتسريحات
وحاجات كتير فرحت بها
تاهت ونسيت نفسها
وتكلمك ربع الكلام بالأجنبى وتقول هالو
بنت أم باتعة تقول هالو
ميرسى يا شوشو وثانك يو
وكم يا توتو وياللا جو
وبكرة بينا رانديفو
وكبار شيوخ المسلمين
ماعرفش ليه متلجمين
والمسئولين
فتحوا البيبان على وسعها
قام قال سلامة : ألمها
يمكن تغير فكرها
وتعيش حياتها بحلوها وبمرها
راح لأمها
يخطبها منها وقال لها :
بصراحة بنتك عايزة حد يلمها
وأنا قدها
قالت : وماله
البنت يلزمها الجواز
شخشخ جيوبك واشترى ياللا الجهاز
قال : اطلبى
قالت : تجهز شقة قد أربع أوض
أحسن نابوليا فى البلد
وتجيبها من دمياط
وتجيف نجف من غير عدد
والمكنسة بشفاط
والدش قبل الدش
والفيديو والبوتاجاز
وتجيب لها تلاجة ستاشر قدم
وتجيب لها قبل الجواز
الشنطة والمحمول
وتجيب لها غسالة فول
أنا قصدى فول توماتيك
شقتها كاملة زى أى بوتيك
وتجيب لها قبل الجهاز
الشبكة طقم من الدهب
أن مش هاقول ألماظ
وتجيب لها فستان زفاف
من غير كمام من غير كتاف
علشان يبين صدرها
وتجيب غوازى تزفها
واللى اسمه ايه شهر العسل
فى الشرم ولا الغردقة
وبلاش أمور البعزقة
آدى مطلبى
ان كنت قادر مهرها
قرب لها
أنا مش هاميل بختها
قال : يا ام باتعة هاجيب منين
أنا لا انا راجل مرتشى
ولا احب اجيب بالدين
ولا ارضى بالتقسيط
الطاق بيبقى طاقين
ويكتبونى شيكات
أو امضى على ايصالات
على انها امانات
وحكاية مش هيه
لو بس فات شهرين
مادفعتلوش قسطين
بدل المحامى اتنين
هايجيب له رفض الشيك
ومصيبة وقضيه
ومش هاقولك ع القرف
وحاجات مخلة بالشرف
أما البوليس والمحكمة
هابقى فى نظرهم منحرف
وباكسر القوانين
شوفى يا ام باتعة
أنا عندى شقة محندقة
معقولة ماهيش ضيقة
فيها يدوب أوضتين
وعملت جمعية
مع ناس أمارة زيكم
وقبضتها ألفين
وآدى اللى عندى وقلتلك بصراحة
وبإذن واحد أحد ربك هايفرجها
وباتعة هاتريحك وتبات مرتاحة
قالت له : قوم من هنا
قم فضها سيرة
أنا احترمتك ..
عشان الأهل والجيرة
بتقوللى ألفين جنيه ؟!!!
ألفين جنيه دول ايه ؟!!!
وأنا اللى قال بافتكر
باتعة هاتاخد بيه
حافظ على كلمتك يا أهبل وخليك ذوق
دى باتعة طول عمرها دايما تبص لفوق
الاحمر والاخضر
وشى محزق وبنطلونات
والشعر فوق كتفها سايح
وفى الكوافير
مش كل طير يندبح
خد دش وانت تفوق
وتفوق لنفسك
وتتكلم كلام موزون
وفرضنا انت اللى عاقل
والمستمع مجنون
ألفين جنيه للغوازى ولا للمأذون ؟!!!
فى ناس كتير زيكم
مش عايشة فى الدنيا
مابتسمعوش الرضاوى ولا التليفزيون ؟!!!
شفت اللى بيقدمه الحاج متولى ؟!!!!
الشقة بالعفش كاملة
وفلوس كتير فى البنك
كتبه لعروسته
ده غير اللبس والمصاريف
شايفاه بعينى
ولا واحد غريب قاللى
كل المسلسل تابعته دقيقة بدقيقة
والحاج متولى الهى لم يشوف ضيقة
راجل صحيح مقتدر
كل البنات عاوزاه
وباتعة بنتى الهى يكون نصيبها معاه
مش جاى تقوللى الشباب ؟ّّّ!!!
أنا ناقصة هم تقيل
قال : يا ام باتعة اسمعينى
كل ده تمثيل
قالت له : ده قصر ديل
وبلاش كلام فاضى
الشعب راضى
مفيش غيرك عامل لى تقيل
ماتكونش ماهر يا شاطر
واسم أبوك عطار
والشاى على النار
وقاعد لسه ع الرملة
والحلوة تيجى تلاقيك
فارش لها المنديل ؟ّّّ!!!
قال يا أم باتعة دى ناس بتوزع الأوهام
ساعدوا العدو بجهلهم
فى الحرب ع الاسلام
وأنا مش بالوم جهلهم
اللوم على الاعلام
قالت : خلاصة الكلام
أنا بنتى مش من وأمكم
شوفولكوا ناس على قدكم
أنا بنتى حلوة مثقفة
حافظة الأغانى كلها
أحدث شرايط عندها
دى لما تلبس بنطلونها الجينز
كل الشباب تجرى وتخطب ودها
ونانسى عجرم نفسها
ماتجيش فى خصلة ف شعرها
ولا تيجى ضفر ف رجلها
طب والنبى
لو شافها واحد أجنبى
ليجيب لها
كل اللى ييجى فى نفسها
أنا بنتى عايزة جدع
عاقل يكون كسيب
أبوه فى حزب اسمه ايه
ويكون من المحاسيب
أو زى ابن أم بطة
شغال على التهريب
أو من بتوع النوادى
أو يكون لعيب
الجون بمليون جنيه
ويغيظ أمين الديب
قال : يا أم باتعة
اللى يرضى بالحلال هايعيش
مفيش بيوت تتبنى
بالغش والتهبيش
هيه الأغانى تداوى
أم عين عورة ؟
ولا الدول تنبنى
بالفن والكورة ؟
وياريته فن بصحيح
لكن مالوش قيمة
فن الجريمة بقى ع الشاشة والسيما
وعاداتنا حتى القيم
اتقطعت أشلاء
فقد الشباب الانتماء
بس المهم يعيش
تايه مابين الفراعنة
والعرب وقريش
وعلموه الاستكانة
لاجل أكل العيش
وغصب عنه اتحكم
بفتوة والألاضيش
عايزين نعيش يا أم باتعة
زى خلق الله
نحمى الشباب من الفتن
وبلاش من المغالاة
اللى انتى عارفاه حرامى
بس مش شايفاه
سرق عقولنا وأخلاقنا بتليفزيون
صنع سلاسل وساحبك
وانتى ماشية وراه
قالت له : قوم يا ابن زاهية
يا ابن أم عين حولة
عمال تلقح كلام
هوه انت من دوله ؟!!!
قوم فز غور من هنا
قوم غور ماتحبسناش
بتجيب فى سيرة اسمه ايه
والفجر لسه ماجاش ؟!!!
فاكر فى يوم اسمه ايه
يوم احتفال اسمه ايه
ساعة ما مات اسمه ايه
وجه بداله اسمه ايه
عمل قانون اسمه ايه
وده مخلى اسمه ايه
يقطع لسان اسمه ايه
لو جاب فى سيرة اسمه ايه
عقبال سلامة ابن ايه
ويحطه فى اللى اسمها ايه
من غير محاكمة اسمها ايه
تقعد سنين منحاش
فكرك تحوش اسمه ايه
هوه اسمه ايه ينحاش
قال : يا أم باتعة انتى ايه
قصدك تخلى اسمه ايه
يحبسنى فى اللى اسمها ايه
من غير محاكمة اسمها ايه
أقعد سنين منحاش
أنا جبت سيرة اسمه ايه ؟؟
وفرضنا قلت اسمه ايه
ماهو برضه ماغلطناش
قالت : خلاص فضنا
يا تقوم تغور من هنا
أنا بنتى زى القمر
لسه عريسها ماجاش
عايزاه يكون مقتدر
ويكون كبير يا بلاش
أنا ناقصة هم الشباب
والنفخة ع الفاضى
فاكرنى مكتب شئون
هاديكو بنتى بلاش
قوم فز غور من هنا
قوم فضها سيرة
والباب وراك تقفله
واتهوى فى السيرة
واوعاك تعتب هنا
لو ليك كرامة صحيح
أصل اللى زيك كده
الدم عنده شحيح
وان كنت بالشكل ده
يوم خارجتى ماتجيش
خرج يقول : يامسلمين
يا ولاة أمور المسلمين اللوم لمين
للمسئولين ولا الحرس
يا مثقفين دقوا الجرس
ماله الجرس صابه الخرس
اوعاك تقول ان الودان
صابها الصمم
اوعاك تقول الناس كمان
زى الغنم
مابيفهموش
وبلاش تكونوا بجهلكم
أو حتى فى ناس منكم
بينفذوا تخطيط لبوش
فتش ... وشوف الجرح فين
وضح ... وقول للمسئولين
وبلاش من النوم فى العسل
وبلاش كسل
وياريت تكونوا القدوة
وتكونوا المثل
وبلاش تعرض سمعتك للقيل وقال
وبلاش طريق الهلس والبطال
بكرة التاريخ هايغربلك
ويغربل الأعمال
فى ناس تعيش
وناس تموت ولا تتنسيش
وناس تموت تحت النعال
وفى كتب زى الدهب
وفى كتب من غير تمن
يرموها للزبال
يا مثقفين فين جهدكم
والمشكلة قدام عنيكم كلكم
قدامكو فرصة عمركم
راقبوا البرامج كلها
واتفكروا واستفسروا القصد ايه من بثها
ومين ومين م المسئولين صرح بها
وفين شيوخ المسلمين
عشان توقف عرضها
واللوم لمين
ياكبار شيوخ المسلمين
قولوا بصراحة ع الملأ
لو واحدة تعرض لحمها
ولا تختشيش على دمها
ولا تستحيش من ربها
مهرة ومن غير لجام
يا كبار شيوخ المسلمين
عايزين امام
يصرخ يقول لوزارة الاعلام
حرام
وبجرأة يعلن كلمته
علشان يبرأ ذمته
يعمل حساب يوم زفته
يعمل حساب يوم الزحام
قدامكو عام
والزحف جاى م العولمة والأمريكان
وخلاص بدأ شد الحزام
يا أيها الحكام
ماتغيبوش وعى الشعوب
بالشرطة والاعلام
الكيل طفح
وادى الشعوب بتقولكم
قدامكو فرصة عمركم
قدامكو عام
يا تقولوا ع الدينا السلام
لولو حسن- عضو فضى
- الجنس :
عدد المساهمات : 3860
نقاط : 5498
تاريخ التسجيل : 26/07/2012
العمر : 55
رد: البت باتعة ... للشاعر محمد الديب ( امين الديب)
من طرف شمعة الامل الأربعاء مارس 13, 2013 11:12 pm
القصيدة دى بحبها جدا
وبحب اسمعها من الشاعر امين الديب
روووعة.. شكرا لولو .. لتناولها
وبحب اسمعها من الشاعر امين الديب
روووعة.. شكرا لولو .. لتناولها
شمعة الامل- عضو مميز
- الجنس :
عدد المساهمات : 1825
نقاط : 2259
تاريخ التسجيل : 26/08/2012
رد: البت باتعة ... للشاعر محمد الديب ( امين الديب)
من طرف هدى من الله الأربعاء أبريل 17, 2013 1:26 pm
قصيدة جميلة جميلة جدا
وبحبها من الشاعر امين الديب
والذى يقوم بالقائها بطريقة رووعة
شكرا لكى لولو حسن
وبحبها من الشاعر امين الديب
والذى يقوم بالقائها بطريقة رووعة
شكرا لكى لولو حسن
هدى من الله- Admin
- الجنس :
عدد المساهمات : 10627
نقاط : 15580
تاريخ التسجيل : 24/07/2012 -
رد: البت باتعة ... للشاعر محمد الديب ( امين الديب)
من طرف توتى بدر الأربعاء أبريل 24, 2013 3:11 pm
جميلة قوى .. شكرا لولو حسن
اول مرة اعرفها
اول مرة اعرفها
توتى بدر- عضو برونزى
- الجنس :
عدد المساهمات : 2305
نقاط : 3183
تاريخ التسجيل : 28/08/2012
رد: البت باتعة ... للشاعر محمد الديب ( امين الديب)
من طرف ضوء القمر السبت مايو 04, 2013 8:15 pm
فى الانفتاح
على رأى صاحبى والانبطاح
وفتحنا مصر سداح مداح
والعرض أصبح مستباح
ونسينا حى على الكفاح
اتلخبطت كل الأمور
وقيم كتير وعادات كتير اتغيرت
من ضمنها
غلو المهور
اعتقد ان سبب معظم مصائب المصريين هو العمل بالخارج
* المغالاة فى المهور وطلبات الزواج
* وترك الرجل لزوجته واولاده سنوات مما يفتح ابواب الشياطين امامهم واعتباره الممول بعد ان فقد سلطة وصفة الزوج والاب
* عزوف بعض الشباب عن الزواج
* سفر البنات لوحدها وعملها بالخارج .. فى حد ذاته مصيبة
وغيرها
* وامثال اهل باتعة وباتعة .. لم يعد لديهم القناعة والرضا
على رأى صاحبى والانبطاح
وفتحنا مصر سداح مداح
والعرض أصبح مستباح
ونسينا حى على الكفاح
اتلخبطت كل الأمور
وقيم كتير وعادات كتير اتغيرت
من ضمنها
غلو المهور
اعتقد ان سبب معظم مصائب المصريين هو العمل بالخارج
* المغالاة فى المهور وطلبات الزواج
* وترك الرجل لزوجته واولاده سنوات مما يفتح ابواب الشياطين امامهم واعتباره الممول بعد ان فقد سلطة وصفة الزوج والاب
* عزوف بعض الشباب عن الزواج
* سفر البنات لوحدها وعملها بالخارج .. فى حد ذاته مصيبة
وغيرها
* وامثال اهل باتعة وباتعة .. لم يعد لديهم القناعة والرضا
ضوء القمر- عضو مميز
- الجنس :
عدد المساهمات : 1597
نقاط : 2063
تاريخ التسجيل : 09/09/2012
مواضيع مماثلة» البت جمالات.. للشاعر عبد الرحمن الابنودى
» خدعوها .. للشاعر أحمد شوقى
» رسالة إلى أبي .. للشاعر فاروق شوشه
» جُحَا.. للشاعر هشام الجخ
» مش كفاية .. للشاعر هشام الجخ
» خدعوها .. للشاعر أحمد شوقى
» رسالة إلى أبي .. للشاعر فاروق شوشه
» جُحَا.. للشاعر هشام الجخ
» مش كفاية .. للشاعر هشام الجخ
روضة البدر :: المنتديات الادبية :: الشعر
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
» د. شريف الصفتى عالم الكيمياء المصرى النابغة
» قصة سيدنا عزير
» ** قصة أبيار على **
» خلو المكان ومرارة الغياب !!!
» يا حلاوة اللوبيا والارز بالشعرية
» طريقة عمل القراقيش المقرمشة و الهشة
» إعجاز بناء الكعبة
» صفات اليهود فى القرآن الكريم