كيف تنكدين علي زوجك.. الزوجة النكدية

من طرف لولو حسن الجمعة أغسطس 24, 2012 9:13 am

كيف تنكدين علي زوجك.. الزوجة النكدية
--------------------------------

[ندعوك للتسجيل في المنتدى أو التعريف بنفسك لمعاينة هذا الرابط]

*عندما يعود زوجك من العمل تعبان مش طايق روحه لاتنتظري دخوله من باب الشقه بوجه بشوش بل بتكشيره وبوز جامد

وبملابس المطبخ الغرقانه بصل وصلصه وطبعا شعرك المنكوش والمرتفع مترين ومتنسيش يكون في ايديك اكبر سكينه في

المطبخ وشوحي بها في الهواء وانتي بتكلميه

*هيقولك سلام عليكم ازيك ياروحي اوعي تصدقي كلامه المعسول فورا ردي عليه الاكل لسه قدامه ساعه اتصبر بحته جبنه

او شويه فول واوعي تعملي حاجه هو ملزم يدخل المطبخ حتي ولو راجع مستوي ومش شايف قدامه هو انتي فاضيه مش كفايه

عليكي شغل البيت يعني هتقطعي نفسك.

*اصدميه دايما ماما جايه تتغذي معانا انهارده او اخوكي او اي حد مش بيطيق سيرته من اهلك وياريت الموضوع ده كل يوم واعملي علي السفره اكل كتير وغالي ومتنسيش ديوك رومي وحمام محشي فريك ومكرونه بشاميل ووز وبط و اغلي انواع الجمبري والسمك والسلطات علي سفرتك.

*اشتري الحلويات من افضل الاماكن واغلاها واوعي تبخلي وانتفي ريش جوزك ريشه ريشه لانه معظم الرجاله بخيله جلده وجوزك

علي ماتعوديه وابنك علي ماتربيه.

*دايما نكدي عليه باخبار وحشه يعني موت حد قريبك اوقريبه حد اتعور او فلس او اي مشكله عائليه واياكي تفرحيه ابدا وياريت

تفتحي علي طول قناه الجزيره او اي قناه اخبار .

*كلي واتخني وميهمكيش الكرش ولو مش عاجبه يتفلق الراجل بيحب الست الرفيعه الخفيفه الرشيقه خليكي عكس الستات تخينه

اكيله وبكرش وياريت تكون بتشخري وانتي نايمه واياكي من استخدام اي برفان الا وانتي خارجه من البيت واوعي حتي تولعي

بخور واكتمي اوضه النوم بريحه البصل والثوم علشان ينام في الصاله او حتي عن امه.

*جوزك لو كان رومانسي لاتقيمي معه حوار فالرجل الرومانسي عاوز يتكلم ويطول في الكلام علي طول اقطمي معاه الحدي

ث ولو كان راجل طيب ياسلام سيطري علي البيت وكوني دكتاتوره والكلمه كلمتك والشوري شورتك يعني سيده البيت الاولي

اه انتي مش اقل من مبارك ولا اي حاكم عربي واوعي في يوم يهمك ولا تخافي فقوه المرأه في عقلها وشدتها.

*الاولاد اسمعي طبعا المفيد في حكايه الولاد كل سنه خلفي لجوزك عيل واملي البيت بالعيال حتي ولو تخلفي دسته وايه يعني

العيال عزوه ولو مش قادر علي مصاريفهم يطفش او يهرب وهو ده المطلوب وانتي ليكي الشقه والعفش والمؤخروالنفقه

وهو ليه السجن والصبر والجنه.

*ابنك احسن من جوزك دايما اهتمي بيه وجوزك اهمليه وان اي حد من عيالك عيط اجري شوفي عاوز ايه واوعي ضناكي يحس

ان جوزك له عندك معزه يطلع العيل علي طول انطوائي وحطي ابنك جوه عينيكي اه ابنك سندك لكن جوزك ماشي ماشي.

*في ساعه الصفا برضه خليكي زي مانتي نكديه والبوز الناشف عرض مستمر وبالنسبه للموضوع اياه في السريع سريع وبدون

اي مكياج ولا قمصان ملونه ولا كلام فاضي من ده ومعظم الرجاله اصلا اتبهدلوا من الفراخ البيضه والميه الملوثه ومعندش عندهم

قوه ولا طاقه واللي فيهم جته وبعضلات بعد الجواز بيفيص بلا وكسه.

*جوزك طبعا علي ماتعوديه يعني من ليله الدخله اكسريه كلما يقولك حاجه قولي لا كانك معارضه في حزب فاشل وان كانت

حتي لا في مصلحتك مش مهم المهم العند والظهور بالغباء وعدم الفهم .

** ومع ذلك المرأة النكديه لها فوائد وهى:

1- تجعل لسان زوجها رطب بذكر الله لانه طول النهار بيقول حسبى الله ونعم الوكيل
2- تساعد الزوج على غض البصر لانه كره صنف الحريم كله
3- تساعد الزوج على تقويه صله الرحم لانه دائما هربان عند أمه
4- تساعد الزوج فى المحافظه على رشاقته لان نفسه مسدودة عن الاكل
5- تجعل من زوجها رجل ناجح لانه بيقضى اطول فترة ممكنه فى الشغل

ملحوظه : لو شفتوا زوجى هتعرفوا انى مش نكديه علشان جميل ومربرب وعلى طول مزوغ من الشغل وأمه الله يرحمها يعنى ملوش غيرى وفى البيت برضاه مش غصب عنه حتى اسألوه

طبعا مش انا الست دى ولا واحدة من منتدانا لان ستات المنتدى كلهم جميلات وحلوات ومطيعات

ههههههههههههههه ههههههههههههههههه ههههههههههههههههههههه (والله أعلم عشان مكدبش )

سكر

من طرف هنا سيد الجمعة أغسطس 24, 2012 6:35 pm

شكرا لولوووووووووووو هلى هذه الارشادات

لكن احنا مش محتاجين توصيه انتى عارفه كل واحدة لها اسلوب متفردة بيه

لكن فى الاخر بتنجح انها تنكد عليه

هههههههههه هههههههههههههههههه ههههههههههههههههههههههه

حلو

من طرف شمعة الامل الإثنين أغسطس 27, 2012 7:31 am

شدنى العنوان جدا قلت فرصه .. أهى ثقافة عامه من باب الاحتياط

نشوف الستات الوحشين التانين مش احنا بيعملوا ايها

هههههههههههههههههههههههههههههه هههههههههههههههههههههههههههه

شكرا لكى لولو حسن

حلوة