كباب الحلة .. أكلة لذيذة

من طرف **هدى من الله** الخميس أكتوبر 09, 2014 8:13 am

كباب الحلة .. أكلة لذيذة
=====
[ندعوك للتسجيل في المنتدى أو التعريف بنفسك لمعاينة هذا الرابط]

المقادير :
حوالي كيلو لحمه
3 او 4 بصلات كبار
توابل اللي تحبيه فلفل اسود و كبابه صيني و توابل لحمه و روز ماري و قرفه نص معلقه من كل نوع
ممكن 2 طماطم وممكن فلفل اخضر زى ماتحبى مقطعيين مكعبات
الطريقه :
هانقطع اللحمه قطع صغيره الي حد ما او مكعبات
هانجيب حله حلوه كده
وهانحط فيها شويه سمن علي زيت
و نسبها تسخن و ننزل بالبصل مقطع حلقات
نفضل بقي نقلب فيه لحد ما بيصفر و يتحمر شويه
و بعد كده نضيف التوابل و نقلب
نحط بقي اللحمه و نقلبها كويس مع البصل و ماتحطيش ملح غير في الاخر وتضيفى الطماطم والفلفل فى الاخر
هنوطي النار خاالص و نغطي الحله كويس و نسبها بقي تنزل اللحمه ميتها و تسوي نفسها بس كل شويه تبصي عليها عشان لو خلصت ميها تضفلها كوبايه كوبايه كده لحد ماتستوي و في اخر كوبايه هاتحطيها قرب ماتستوي تضيفي الملح
بعد ماتستوي بقي تولعي فحمايه حلوه كده و تحطيها في قشره بصله و تحطيها في الحله و عليها شويه صوص من اللحمه و اقفلي الحله و دوقي بقي احلي كباب حله.وبالف هنا ليكم
ملحوظة: ممكن تقطعى كل حاجة نية الاول البصل واللحمة والطماطم والفلفل وتحطى التوابل والملح وشوية خل كل مع بعضة وتسيبة فى التتبيلة شوية وبعدين حطيها ع نار هادية تستوى براحتها مع شوية مية معاكى الطرقتين واختارى الطريقة الاسهل ليكى والاتنين فى الطعم احلى من بعض