طريقة عمل الهايش الصعيدى .. مطبخ لولو

من طرف لولو حسن الأحد يونيو 16, 2013 11:56 am

طريقة عمل الهايش الصعيدى .. مطبخ لولو
*********************

[ندعوك للتسجيل في المنتدى أو التعريف بنفسك لمعاينة هذا الرابط]

أولاً : المقادير

1- كوب لبن تغليها وتضعيها فى إناء محكم الغلق مع اى حبوب مطحونه كالسمسم او العدس او الفول وتضعيها فى مكان دافئ حوالى يوم وتفتحى عليها إذا لاقيتيها عملت زى

الزبادى يبقى هى كده جاهزة للخطوة اللى بعد كدة أما إذا لاقيتيها مبقتش زى الزبادى يبقى تستنى يوم آخر إلى أن

تلاقيها بقت زى الزبادى وهى بتبقى كده بسرعة كل ماكانت موضوعة فى مكان دافئ بإستمرار

2- إثنين كيلو دقيق

3- حوالى 1 كيلو لبن ويمكن يحتاج شوية زيادة يعنى تخلى حوالى نصف كيلو إحتياطى جنبك

4- تجيبى من عند العطار ب50 قرش كركم وبجنيه محلب تطحنيه كويس أوى وكمان تنخليه بالمنخل علشان تضمنى إنه

ناعم جداً
5-حوالى واحد ونصف كوب سكر

6- قطعة خميرة بيرة فى حجم عين الجمل أو 2 ملعقة كبيرة خميرة جافة وتذوبيها مع ملعقة سكر فى شوية ماء دافئ

7- حوالى كوب سمن بلدى

8- زيت ذرة نلم بهم العجين فى الآخر

9- 2 بيضة

ثانياً : الطريقة

1-نجيب حوالى نصف كوب دقيق ونضع عليه بعض اللبن بحيث تكون عجينة مثل عجينة الزلابية ثم نضع عليهم اللبن

المتجمد من الخطوة رقم 1 المذكورة فى المقادير سابقاً ونعجنهم كويس جداً إلى أن يختلطوا ويصبحوا عجينة لينة طرية

4- أغطيهم وأتركهم فى مكان دافئ حوالى ساعة حتى تخمر وترتفع

5- فى أثناء الساعة تكونى إنتى بتحضرى للعجن يعنى دفيتى اللبن ووضعتى فيه المحلب المطحون والكركم شوية شوية

بشويش إلى أن يصبح لونه دهبى جميل ومش شرط إن تضعى الكركم كله

6- ثم تسيحى السمن وتضعيه على اللبن

7- تكسرى البيض عليهم

8- ثم السكر على السابق وتذوبيه كويس ويبقى كل الخليط ده دافئ

9- نضع الدقيق المنخول وعليه ذرة ملح ونضع عليه رقم 3 والخميرة البيرة المتحضرة من السابق وأدعكهم كويس فى

الدقيق

10- أضع الخليط رقم 8 وأعجن العجينة كويس قوى جداً

11- فى النهاية ألم الدقيق بشوية زيت إلى أن تصبح عجينة ناعمة فى إيدك

12- أغطيها وأتركها فى مكان دافئ إلى أن تختمر وتعلى وده من ساعة إلى ساعتين وده حسب دفئ المكان

13- فى إثناء تخمير العجين تكونى بتحضرى الصاجات ودهناهم بالزيت دهناً جيداً

14- بعد التخمير تولعى الفرن على حرارة متوسطة وتتركها

15- تبدأى فى تقطيع العجين إلى فطائر مدورة

16- وتتركيها حوالى ساعة على الصاجات حتى تعلى الفطائر

17- تخبزيها إلى أن تصبح حمراء

18- بعد أن تبرد تقطعى الفطائر صوابع حسب الرغبة وتعيدى وضعها فى الصاجات وتدخليها الفرن إلى أن يحمر الوجه

19- تعيدى قلب الصوابع على الجهة الأخرى وتدخليها الفرن تانى إلى أن يحمر الوجه الآخر

20- يعنى بإختصار بتحمصى الفايش

وبالهنا والشفا
الصورة طلعت غامقة مش عارفة ليه لكن كان طعمه جميل